2009 кизонь 13 январьста лиссь Российскяй Федерациянь Президентть Д.А.Медведевонь Указоц «Мордовскяй народть Российскяй государствань лия нароттнень мархта ладязь эрямаснон 1000 кизонь топодеманц праздновандаманц колга».
Финно-угорскяй прессань Всероссийскяй фестивальсь, кона ётась 23-24 сентябрьста, пуроптозень Мордовиять столицас сембе странань национальнай изданиянь журналисттнень. МР-нь Оцюнясь Николай Меркушкин, кона тяфта жа Россиянь финно-угорскяй движениянь активисттнень ёткста, васетькшнесь пуромксс сафнень мархта Республикань кудса. Кафта частта ламос финно-угорскяй журналисттне и республиканскяй массовай информациянь средствань корреспонденттне макссесть Мордовиянь Оцюняти кизефкст.
Мордовия Республикась – Российскяй Федерациянь субъект, ащи Россиять Европейскяй пялькссонза, сувси Приволжскяй федеральнай округти. Столицац – Саранск ошсь. Пуроптф – 1930 кизонь 10-це январьста, кода Мордовскяй автономнай область. 20.12.1934 кизоста сявомок – Мордвскяй Автономнай Советскяй Социалистическяй Республикась, 1991 кизоста – Мордовскяй Советскяй Социалистическяй Республикась, 1994 – Мордовия Республикась. 1995 кизонь 30 мартста Мордовиянь Государственнай Собраниять (парламентть) мархта кемокстафтольхть республикань гербсь и флагсь. 1995 кизонь 21 сентябрьста Мордовия Республикань Конституционнай Собраниять мархта примафоль тяниень конституциясь.
Мордвась – Россиянь фкя инь кунардонь народсь. Колганза васень тяштькссь васьфневи Иорданонь книгаса (VI в.). Кунардонь мордовскяй пляматне эрясть маласа славянскяй пляматнень мархта. Славяттне састь мокшэрзянь модатненди минь эрань I-це тёжянь кизотнень песта. Эста и латцевсть мокшетнень и эрзятнень соткссна славяттнень мархта.
